林師傑寫歌冧歐陽巧瑩：大家會想嘔！

歌手林師傑（Auston）及譚嘉儀出席音樂活動，Auston表示很喜歡與嘉儀一同做騷，因為雙方的默契非常好：「我可以大膽窒佢佢都唔會嬲！」問到可會與嘉儀合唱？他笑說：「我哋合唱嘅市價係六十萬，但我都期待嘅，同埋我哋幕後都有啲合作，遲啲會放上網上平台。」至於何時出碟？他坦言暫時未有計劃，不過老闆很支持自己創作，又謂早前身體不適，病了兩個月：「可能係情緒問題影響到，又有啲喉嚨發炎，老闆都介紹咗醫生畀我，好窩心！」

提到女友歐陽巧瑩月底生日，Auston直言非常頭痛：「佢想收我自己製作嘅碟，但我想做得好啲先，依家盡量做，都想完成到，同埋好開心佢想聽我嘅歌，係我嘅知音！」他又透露寫了兩首「好娘」的歌給對方：「首歌啲詞好白，係最直接嘅表達，我都怕唱出嚟大家會想嘔！」

「東網巨星」fb專頁：

每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。