林奕匡自爆錄音唔着鞋

歌手林奕匡（Phil）接受電台訪問，宣傳新歌《安徒生的錯》，透露新歌找來藍奕邦填詞：「我冇局限佢要寫乜，我寫咗個Melody再由藍奕邦感應。」Phil表示兩人未合作前已有聊天，指對方見證自己出道、低谷等不同階段：「低谷嗰陣佢有叫我可以作多啲歌，可以有多啲Input。」直到自己得獎時他亦感覺到對方真心恭喜自己。

Phil又認為自己錄《安徒生的錯》比以前錄《高山低谷》來得成熟，以前只顧盡力唱好歌曲，但現在錄音時會想起當中畫面，問到他錄音有甚麼習慣？他笑言：「我錄音唔着鞋，呢個係最舒服嘅Moment。」