鄭則士撐陳凱琳用心：唔應該太嚴厲

鄭則士與黃光亮在將軍澳電視城為無綫節目巡禮劇集《火線下的江湖大佬》拍攝，鄭則士談到相隔三年再為無綫拍劇，透露是獲曾勵珍及監製梁材遠邀請，新劇將會在十一月開拍，扮演已退下來的江湖大佬。

講到無綫小生花旦相繼離巢，鄭則士表示：「唔好咁講，小生、花旦永遠都存在，無綫唔會冧檔，小生花旦都係培養出嚟，睇吓邊個可以跑出啫，無綫都畀咗好多機會佢哋操練。」

鄭則士表示一直有看無綫劇，講到陳凱琳演出的《張保仔》受到批評，他則說：「唔應該太嚴厲，佢係新人，要畀時間佢成長，要公平啲。（黃秋生彈陳凱琳小動作太多）秋生唔同，佢級數高我好多，我係小演員，佢係大俠。我覺得佢（陳凱琳）拍戲係有心機，係要畀時間佢成長，同埋新人要有人帶，好似今次《火》就有苑瓊丹帶住我。」黃光良劇中飾演與鄭則士打天下的大佬，他說：「呢套係第三套電視劇，今次好多前輩，有鄭則士、苑瓊丹，第一次同咁多前輩合作，真係有啲緊張。」