【真係會等到？】江若琳等樓市跌先上車

藝人江若琳今日出席《ENJOY! BAG品牌發布會暨網店》，獲品牌送上全球限量50個的手袋，她笑言已有9個月沒有回港：「喺內地做嘢，依家人仔貶值，返香港搵港幣，冇乜時間洗錢，我個人慳，只會買有需要同實用嘢。（買樓？）遲啲先，話樓市跌，咁我哋啲升斗市民可以上車。（依家儲到幾錢？）都儲到啲錢喺媽咪到，唔可以亂用。」

她提到與前公司的合約糾紛至今已有約一年多，她笑言每月給律師費已習慣，感覺似供樓，直言自己會逆風而行。