晒你冷！Baby戴三隻閃爆鑽戒出嫁
20151008
東網電視
更多新聞短片
三隻都好閃呀！
Baby結婚，除咗童話式婚禮令人羨慕外，佢之前嗰個價值成千萬嘅六卡鑽戒，亦令到好多女仔既羨且妒。
啱啱，有內地消息指，原來今日Baby除咗會戴住嗰頂價值連城嘅皇冠戒指出嫁外，仲有另外兩隻閃爆嘅戒指，估計其中一對係婚戒，另外仲有一隻勁閃嘅方型鑽戒。
根據內地資料，呢兩隻戒指嘅來頭就大喇，先講吓方型嗰粒，佢由277粒、7種唔同規格嘅鑽石鑲嵌而成，而且仲要係依照艾菲爾鐵塔嘅外型嚟到打造，個名就叫做LOVE BABY LEFFIE。至於對婚戒個設計都好特別，Baby粒心形鑽同曉明粒方鑽係可以融合埋一齊，完全令小編諗起「濃情化不開」四個字。而呢對婚戒都各有名堂架，男嘅婚戒個名叫做「LOVE BABY EMBRACE」，女嘅婚戒個名叫做「LOVE BABY PRINCESS'S HEART」，全部都係LOVE BABY，曉明真係名副其實嘅愛妻號呀！
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。