現代版灰姑娘！解剖Baby徐子淇昆凌共通點
人紅不如嫁得好！Angelababy今日喺上海進行童話式婚禮，嫁畀「億萬小生」黃曉明，王子公主從此永遠幸福美滿生活落去，簡直係現代版灰姑娘故事！同時激起唔少網民內心嘅酸溜溜，葡萄一大籮！網民仲列舉出三大「現代版灰姑娘」，分別係Baby、徐子淇及昆凌，更發現佢哋都有一大共通點，就係老公都比自己至少大12年，唔通「12年」就係嫁入「豪門」嘅黃金年距？
Baby與曉明一直愛得高調，12歲嘅年齡相距無礙戀情發展，而曉明更視Baby如真「Baby」一樣咁寵，更揚言：「我願意當她的擋箭牌，當她的垃圾桶，當她的暖手寶。」Baby機緣巧合下遇到咁鍚自己嘅曉明，認真恨死人！
至於早前誕下第四胎嘅徐子淇亦係港女一直羨慕嘅「灰姑娘」之一，17歲時邂逅比自大12年嘅四叔之子李家誠，22歲開始與對方拍拖兩年，直到24歲就嫁畀當時36歲嘅李家誠。當年李家豪擲七億喺澳洲悉尼搞婚禮，婚後極速「造人」，而徐子淇每生一胎，老爺四叔就派至少1000萬。近日徐子淇B仔李建熹出世，四叔都大方派發1500萬！
而今年只有22歲、年紀最少嘅「灰姑娘」昆凌，當年喺朋友介紹下，進入由周杰倫投資嘅服裝店做兼職，種下兩人緣份嘅種子。直到17歲昆凌為周董拍攝《你好嗎？》MV，兩人一拍即合正式展開戀情。雖然昆凌與周董相差14年，但周董喺佢面前卻會化身小朋友，昆凌更親密稱對方為「周周」，並甘願做佢背後嘅女人。而今年兩人結婚時，更分別喺英國、澳洲及台灣舉行「巡迴婚禮」，環遊世界行禮，認真誇張！
網民有話兒：
全XX：男人鍾意妹妹仔
Chexxx Yxx：女人應該搵啲成熟穩重男
天天xx：17歲我仲係條MK妹。。。徐子淇就識到李家誠。。昆凌就識到周杰倫
你估xxx：點都估唔到昆凌會變做天王嫂
九龍xxx：your face your fate!
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。