陳秀雯未諗返無綫拍劇：唔係我想就得

藝人陳秀雯等到深水埗宣傳舞台劇《折翼天使》，更與劇中老公廖故智在台上試跳輪椅舞，智叔更刻意製造驚險，扮失控險衝落台，雖然沒有真的衝落台，但已成功製造氣氛。

秀雯被問會否像廖啟智般重返無綫拍劇，她說：「我冇諗咁遠，因為唔係我想就得，都要睇有冇工作啱我做，我都拍咗30年啦，都拍過唔少，今後要睇緣分啦！」

望陳國邦一切都好

對於陳國邦宣布離開無綫往外闖，她說：「我同陳國邦都認識，但未試過喺同一個戲合作，希望出面有好嘅機會等緊佢，其實喺呢行有好多做戲好有熱誠嘅人，佢哋都未必係一線阿哥阿姐，因為呢行好講際遇，要天時地利人和，遇到啱嘅工作先得，總之我希望佢一切都好。」