東網電視
更多新聞短片
薛凱琪透露在內地隨身攜帶國語老師。
1/4
歌手薛凱琪（Fiona）在將軍澳電視城出席《善心滿載仁愛堂》直播。最近到台灣、北京兩地拍攝兩套電影的她就坦言距離自己上次到無綫獻唱已有一段時間：「但其實今個月喺香港嘅時間唔多，日日都密密麻麻，下個月又要去北京拍戲。」她更透露在內地隨身攜帶國語老師：「因為都唔可以唔增值自己，好似呃飯食咁去拍內地嘅電影。」問她有叫老師教定國語冧仔金句，她即時笑謂：「我係尋找初戀純真嘅愛情，花巧嘅語言唔會有幫助。」談到好友房祖名，問她最近有否見過對方，她坦言有之餘更為對方澄清夜蒲傳聞：「之前喺北京見面都有同佢出嚟飲嘢，佢冇飲醉，都係聯誼一下咁。（佢幾時出番嚟做嘢？）我唔知佢幾時會出番嚟工作，但佢嘅新歌已經寫得七七八八，亦聽咗4分1左右，好好聽。」但沒有向對方邀歌：「由《早熟》拖到我依家，我都唔再問喇！」
薛凱琪在台上獻唱。
薛凱琪
房祖名 資料圖片
