黎耀祥送「跑車」賀仔仔成人禮

今日係視帝黎耀祥同太太梁耀蓮嘅仔仔黎正橋18歲生日嘅大日子！今日黎太一早就喺微博上載咗張一家三口一齊慶祝生日嘅溫馨大合照，兼留言：「早晨，今天是正橋18歲生日，看著（着）他的成長，真的感到非常幸福和感恩，祝他生日快樂，身體健康，天天都開心！」相中仲見到有個跑車款嘅大蛋糕，唔知係咪視帝爸爸為佢預備嘅呢？壽星仔應該就好滿意喇，仲笑得好開心，18歲終於大個仔喇！