鄭俊弘不覺無綫埋沒人才：新面孔多火花

女神吳若希和鄭俊弘（Fred）出席商場活動，提到藝人關菊英及陳國邦離開無綫，Fred表示有留意：「我同邦哥識咗好多年，都合作過，佢好肯教人，我好欣賞佢！（覺得可惜？）有啲，但相信佢去到邊都可以發揮得到，都知佢有演舞台劇。」陳國邦曾指缺乏發揮機會，問到Fred參加《星夢傳奇》爆紅前會否亦覺得被埋沒才華？他說：「我真係好彩有星夢協助，但邦哥有一年都贏咗喜愛角色，肯定咗佢喺戲劇上嘅努力。（覺得公司唔識捧人？）唔會，公司有自己嘅方法。」

對於關菊英指台前幕後面目全非，Fred表示自己久未拍劇，有時經過亦看到有很多新面孔，但認為不是一件壞事：「可以有多啲新鮮感，撞出唔同嘅火花。」

問到可有關心吳若希兒時被家暴的事件？Fred表示不太清楚事件，又覺得對方近日壓力大，希望對方可以多作休息，或去旅行散心。