孖郭羨妮演夫妻 黎耀祥認投入真感情
20151011
東網電視
更多新聞短片
黎耀祥於劇中與郭羨妮飾演夫妻，仲話演出滲入真情。
「三屆視帝」黎耀祥（祥仔）於無綫劇集《無雙譜》中，一人分演斯文書生及粗獷獵戶。談及他於劇中與郭羨妮（Sonija）飾演夫妻時有否投放其個人經驗？祥仔即「開金口」直認與太太梁耀蓮感情極好，趁機冧老婆，他說：「自己當然會去做呢樣嘢，我成日都話我哋演戲裏面滲入自己喺現代生活嘅諗法同思想，咁樣令觀眾更有代入感，大家睇完會明白夫妻間相處真係個心同份感情係最緊要！（拍完同太太感情更好？）我哋感情不嬲都好，因為我好明白呢樣嘢，我哋太早成熟，一早明白男女之間的緣分遊戲其實只不過係咁樣！」
祥仔又指與Sonija的演出滲入真情，更從中深入了解夫妻相處之道：「我哋個故事滲透咗好寫實嘅現代夫妻感情關係，直頭係借古喻今！Sonija喺劇中婚前鍾意我份人純真，婚後就嫌我無所事事，拍拖同結婚後咁唔同，感情就出問題。」
提到與Sonija久未合作，祥仔大讚對方「升呢」為人母後演技更趨成熟：「我哋對上一次合作已經係2008年拍《Click入黃金屋》，佢做媽咪後成熟咗，我哋話題多咗，大家感覺好熟，而且默契又好！」祥仔又稱相隔十年再接拍電影，當中與吳彥祖及張孝全合作的他笑言因自己念舊情，所以事前未需與執導的林嶺東傾好價錢。
「東網巨星」fb專頁：
以抵死角度，分析各大娛樂新聞，加埋識睇一定要睇嘅網民妙論，包保享盡「Fun」秒，快啲入嚟畀Like啦。