近年在內地發展不俗的葉璇與內地形象指導男友小默先生，自公開戀情後愛得高調，周不時在微博甫閃光相，大晒恩愛！早前中秋節，兩人更一起浪漫遊花都巴黎，睇嚟兩人嘅關係打風都打唔甩！

不過，有內地消息指「Y女星」現任男友「X先生」被前女友閨蜜爆料，指男方以前戀事多多被翻舊帳，更傳小默先生牽涉其中。為以正視聽，葉璇第一時間在微博甫文兼晒出一張玩男友嘴仔甜蜜相，力證冇因呢件負面事質問男友，仲力撐男友寫咗篇文謂：「一個女人因為不夠優秀而提出分手，需要檢討自己的不足並加以改過，才有可能獲得幸福。可惜的是這種不足往往是她無法自知的，更進一步彰顯狹隘陰暗，甚至造謠誹謗博取同情關註（注）。優秀的你選擇沉默，那是真男人的胸襟。」並在文中指出，男友小默先生前女友的閨蜜所指的事情非事實，仲讚男友被人咁樣指責，都冇嬲到出聲，選擇沉默是一個好男人的所為！