晨早「找數」！Baby到整形醫院做面部鑑定

最近正式成為黃太嘅Angelababy，擁有精緻五官嘅她愈大愈靚，因而長期飽受整容傳聞嘅困擾，北京法院早前就建議Baby喺公正機構嘅見證下做面部鑑定，而Baby都話做好鑑定嘅準備，仲歡迎大家監督整個鑑定過程添！

估唔到Baby咁快就「找數」，今早已經去咗權威整形醫療機構接受檢查，Baby素顏示人並以一身悠閒裝扮現身，神情睇落好輕鬆，佢喺檢查途中仲不時面露笑容添，似乎心情唔錯喎！據內地媒體報道，Baby接受咗院長鑑定額頭，雙眼皮、嘴唇、下巴、蘋果肌、鼻樑、眼睛、耳朵等部位有冇動過刀，仲做埋頭部掃瞄嚟檢查整個頭部有沒有切口或者削骨。Baby啱啱做完檢查，據知要等3個鐘後先有面部鑑定嘅結果，相信到時可以還Baby清白！

「東網巨星」fb專頁：

每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。