【勁驚嚇】黎諾懿自爆畀蛇咬中毒！
20151015
東網電視
更多新聞短片
黎諾懿話今次真係不幸中之大幸。
蛇出沒注意！今日啱啱有新聞話毒蛇之首過山烏喺沙田出沒，搞到女蛇王都好頭痕。估唔到唔止呢條蛇嚇親人，仲有另一條蛇唔單止嚇親人，仲咬親人，「受害者」係藝人黎諾懿。
佢今日喺微博轉發咗一則《東網》關於過山烏嘅新聞，然後就醒起自己成個星期前畀毒蛇咬嘅經歷，真係幾驚險吓。不過由於太多前文後理，現將內容撮要如下：「現在才覺得自己是走好運，不是走霉運。」事緣今月初，黎諾懿正在拍攝劇集《純熟意外》，然後喺拍到半死兼且凌晨四點返家嘅情況下，被蛇咬咗一啖，佢仲用「痛不欲生」嚟形容個感覺，仲話：「下次飾演被蛇咬，我一定很會做這個反應。」仲話當時因為太黑，所以搵唔到咬佢嘅「真兇」。佢話之後去咗醫院，話經過一連串驗血同觀察，醫生估計咬傷佢嘅係青竹蛇，仲話「幸好只咬中一邊牙，不用注射血清。不過這個小小的洞，我也一拐一拐了幾天。」
之後，黎諾懿接受《東網》電話訪問，並補充謂：「呢個係一個星期前嘅事，係因為睇到《東網》新聞先記得要講番件事出嚟。嗰日我收工一落車就有條蛇經過，真係拍戲都無咁橋，即時入咗急症。醫生隔每兩、三個鐘頭就抽一次血，驗毒素含量，好彩份量唔算嚴重，我第二日仲可以開工，但醫生話正常要留院，所以都寫定咗醫生紙畀我，等我有事時可即CALL白車，急症室啲人亦知點處理。」
問到毒素有咩影響，他表示：「任何毒蛇咬到都會入血，所以當日隻腳好痛，啲神經好似畀火燒咁痛。依家我已經好番八、九成，正常十至十五日先清得晒，好彩唔係飯鏟頭，因為飯鏟頭好常見，而且畀佢咬到兩至三個鐘就可以無命。」
「東網巨星」fb專頁：
以抵死角度，分析各大娛樂新聞，加埋識睇一定要睇嘅網民妙論，包保享盡「Fun」秒，快啲入嚟畀Like啦。