開騷晒肌被叫小鮮肉　軒仔：我係臘肉

歌手張敬軒於旺角麥花臣場館舉行音樂會，獲鍾舒漫，鍾舒祺，王宗堯到場支持，以一身「庶民裝」赤腳登場的軒仔，甫開場先唱出《One Day》、《靈魂相認》、《同認》等歌曲，又翻唱了五月天的《突然好想你》，在介紹全騷唯一一首快歌《I Need You》時，軒仔直言這首歌是一個遺憾：「因為佢冇喺香港派過台，但佢係我近年寫嘅Band Sound中最喜歡嘅一首，今日要為依首歌還個公道。」

唱畢《心動》後，軒仔在台上即場脫衣換衫，僅穿小背心的軒仔更大露肉背，令全場尖叫不斷，更有粉絲高呼「小鮮肉」！軒仔聞言即表示很開心：「我依啲三十幾年嘅，唔係紅酒，係臘肉，記得初初入行嗰時，助手帶我去借衫，冇人肯借畀我，因為冇人識我，仲要一睇就知我喺上面落嚟，我依家睇番都會咁覺得。有時會覺得自己錯過咗被包裝嘅時間，最靚仔嗰時。」

軒仔又自爆為了讓朋友欣賞音樂會，自己亦私下買了兩張「黃牛飛」。