陳凱琳與林德信出席手錶活動，身穿白色Tube Dress裙上陣的陳凱琳大晒「線頭」，十分吸睛。

接受訪問時，最近忙於拍無綫劇集《巨輪2》的陳凱琳透露稍後會同岑麗香飛到新加坡出席頒獎活動，而且更被安排唱歌表演，問到有否向男友鄭嘉穎討教唱歌心得，她謂：「佢叫我用多啲氣。（嘉穎話唔介意同你情侶檔拍廣告。）咁好？如果係都係好經驗。（收貴啲？）合理價啦，最緊要係拍得好，好似劉青雲夫婦咁咪成功囉。（你拍住嘉穎，幫佢叫炸雞囉。）我都鍾意食炸雞嘅。」講到將會到沖繩拍劇，陳凱琳表示期待當地美食，但不清楚男友會否前來探班。