殺入死亡谷搵命博 謝天華預咗冇命
最近好少喺香港出現嘅新手爸爸謝天華原來返咗大陸玩野外求生，佢跟住英國國寶級探險家格里爾斯（Bear Grylls）殺入死亡谷搵奶粉錢，呢位憑探險真人騷《人在野》紅遍全球嘅前英軍特種兵，帶埋洪欣個老公張丹峰同一班大陸藝人去冒險。
謝天華同一班隊友被空投入死亡叢林，為咗滿足觀眾對極端環境下生存嘅好奇心，乜都嚟真，當然唔少得招牌Shot生吞昆蟲。而預告片中見到謝天華起火烤肉，但係唔知係啲乜嘢肉，不過好肯定咁講，一定唔會係雪櫃裏面塊牛扒，佢預咗呢鋪玩到好大：「如果有命返嚟，記得請我擦番餐勁。」
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。