欣宜自爆行完山搭的士落山

藝人鄭欣宜於荃灣出席行山活動，平時會在家附近行山的她謂會帶埋寵物行山，不過就笑指因斜路未能跑，她亦自爆：「行完上去會搭番的士返屋企。（唔行返落去？）對膝頭哥唔好呀。」

提到爸爸鄭少秋曾表示想與她在《Sunday靚聲王》中合唱，她聽畢即說：「好呀！（有冇飲歌？）冇呀，但好耐有合作過。（食飯唱下？）咁又冇。（識晒爸爸啲歌？）唔係架，佢都唔係識晒我啲歌！」至於是否聽爸爸的歌長大？她則指全香港的人亦應是聽爸爸的歌長大，她透露：「十幾歲個陣，試過喺EYT周年慶祝咁唱歌，又排埋舞，依家唔會想睇返嗰啲囉！同爸爸一齊做嘢幾得意，而且我都未上過《Sunday靚聲王》。」

「東網巨星」fb專頁：

以抵死角度，分析各大娛樂新聞，加埋識睇一定要睇嘅網民妙論，包保享盡「Fun」秒，快啲入嚟畀Like啦。