安志杰海外浪漫求婚 大肚JC冧到爆喊
20151018
東網電視
更多新聞短片
恭喜JC同安志杰，襯到盡呀！
男星安志杰（Andy）與「警鐘胸」女模Jessica C.（JC）因合作電影而撻着拍拖，早前兩人出席活動時，JC肚凸凸現身並默認有孕，今日安志杰透過公司經理人正式承認JC已懷孕三個多月，並已經向女方求婚成功，Andy經理人表示：「JC有咗三個幾月，會等小朋友出世先正式搞婚宴，所以最快都要明年先結婚。佢哋性格好夾，已經見過雙方家人，大家都默認對方，Andy來港十幾年，佢好慶幸搵到另一半，JC都覺得Andy好有責任感，係可委以終身嘅男人。」
至於求婚細節，她續說：「佢哋14號飛咗去馬爾代夫，Andy為JC搞咗個驚喜求婚派對，JC事前唔知情，Andy租咗個私人沙灘，搭咗帳篷，預備咗蠟燭鮮花戒指，當Andy拎出戒指向JC求婚時，JC眼泛淚光，Andy向佢承諾會照顧佢一生一世，JC即時喊爆。隻戒指係Andy自己設計，再搵人訂造，寓意一生一世。」而兩人將於22號返港，到時再接受大家的祝福。
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。