城城舞動新濠影滙 SISTAR惡鬥瑪莉亞
20151018
東網電視
更多新聞短片
澳門新濠影滙邀請到郭富城、韓團SISTAR（左下圖）和瑪莉亞卡里任開幕表演嘉賓。
以荷里活電影為設計概念的澳門新濠影滙，斥資32億美元（約250億港元）打造豪華度假王國，本月27日世紀開幕，為隆重其事，新濠影滙邀請來自三地的天后、天王傾力表演。除了日前宣布美國樂壇天后瑪莉亞卡里將會震撼獻唱外，韓國人氣女團SISTAR亦會「胸」降濠江，以性感歌舞惡鬥巨肺唱功。「舞台王者」郭富城會代表香港展示招牌舞功。
紮紮跳圓四人夢想
早前有指瑪莉亞今次以友情價獻唱，全因澳洲傳媒大亨男友帕克（James Packer）有份投資新濠影滙，對於能夠參與這個歷史性的開幕時刻，她坦言相當興奮：「好開心能夠參與呢個開幕盛典嘅演唱會，同呢個以電影為主題嘅娛樂綜合度假村一齊締造歷史。」她希望藉着今次機會，答謝多年來支持她的亞洲歌迷，尤其是中國的粉絲。
至於由孝琳、多順、寶拉及最近受腰患困擾的昭宥組成的韓國女團SISTAR，透露早已在韓國聽聞過新濠影滙，今次有份在開幕盛典表演，終可一圓四人的夢想。向來跳跳紮的她們更預告會玩轉新濠影滙：「我哋非常期待去探索新濠影滙嘅娛樂設施，仲有同我哋所有來自澳門同世界各地嘅歌迷見面。」
城城難忘慶祝50歲
開幕前一天，正是城城的五十歲生日，他說今年生日意義非凡，事關有國際巨星陪伴他度過這個大喜日子：「好榮幸今年生日可以喺呢個國際級舞台上，同重量級巨星瑪莉亞卡里，同韓國最受歡迎女子組合SISTAR一齊表演。今年喺新濠影滙度過嘅生日，將會同其他出席貴賓一樣，擁有令人畢生難忘嘅回憶。」
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。