網民熱話：洪永城陳展鵬樣貌演技大比併
由前港姐陳凱琳（Grace）主演嘅無綫劇集《張保仔》早前就因其演技浮誇而被一眾網民、甚至前輩黃秋生出言狠評，不知不覺成為咗劇集焦點所在。而今次網民就為陳展鵬（煎pan）、洪永城劇中嘅兩位男主角開post一比高下，對比項目更由樣貌鬥到演技，雖然之前曾經傳出唔少消息指自洪永城加入無綫後，令陳展鵬發展受阻，更成為咗佢嘅一大勁敵，不過係今次嘅投票中，網民反應可謂一面倒力撐煎pan，煎pan最後更以320總票數完勝！
外型方面，高大又操爆肌嘅煎pan可謂佔盡優勢，雖然兩個走嘅路線、風格都唔同，但唔少觀眾亦毫不猶豫揀咗大隻型男煎pan，仲話：「咪玩啦！唔討厭城城的，幾可愛！但點同展鵬比呀！」但期間亦有心水清嘅網民反問道：「有冇帶眼鏡嘅煎pan先？嗱～差好遠架！」而走「可愛暖男系」嘅洪永城其後亦有忠實fans留言呵番，大讚佢口才好、笑容足，隻眼仲好煞食，所以話靚唔靚仔呢啲都真係見仁見智架～
但講到演技方面，唔少觀眾亦覺得作為新人嘅洪永城仲離師兄煎pan一段距離，有人更大嘆全靠煎pan令《張保仔》一劇起死回生咁話：「洪永城新人來説不錯，但同陳展鵬比就有一段距離，在某討論區就有不少人説陳生救了此劇，可見他在觀眾心目中的份量。」
網民有話兒：
kathxxxxxxxx：唔同類型喎.... 本身唔係好鐘意陳展鵬，不過E（依）套劇佢演得幾好！ 但係爭權戲睇得太緊張，又需要張保仔來中和一下！
9841xxx：洪永城新人來說不錯，但同陳展鵬比就有一段距離，在某討論區就有不少人説陳生救了此劇，可見他在觀眾心目中的份量。
xxxxxxxdfeb：咪玩啦！唔討厭城城的，幾可愛！但點同陳展鵬比呀！
ngxxxxyi：點會輸咁多啊！我嘅永城bb口才又好笑容又夠足，隻眼仲好殺（煞）食添～
h你xxxx：有冇帶眼鏡嘅煎pan先？嗱～差好遠架！
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。