網民熱話：汪明荃嘟嘴索吻唔係第一次？
20151020
東網電視
更多新聞短片
汪明荃今次同阿Lam嚟個咀嘴，不過原來之前都想同秋官錫錫架！
前晚由無綫播出嘅《SUNDAY靚聲王》可謂焦點重重，除咗有嘉賓林子祥（阿Lam）同婆婆共舞打頭炮外，仲有鄭少秋（秋官）喺節目尾星同阿Lam嘅「世紀大合唱」，期間阿Lam仲同汪明荃嘴對嘴嚟咗個情深一吻，睇到一眾觀眾嘩聲四起，真係紅都面晒、凸都眼埋呀！
同為唱得之人嘅阿Lam同秋官當晚齊齊落足力Rap爆全場，大唱《阿Lam日記》！一樣年屆68嘅佢哋一人一句，兩個全程唱到尾，一粒音都無甩到，令唔少歌迷相當敬佩，仲留言話：「真係無得頂！就算十幾歲都未必唱得到！佩服～」而對於阿Lam期間大爆秋官為咗呢首歌足足苦練一個月，唔少網民就直指無可能，仲話秋官之前Rap完嗰首《香港料理》已經成為Rapper o添啦！
至於，汪明荃同阿Lam嘅「世紀一吻」亦帶起咗全晚高潮，兩人合唱完經典情歌《分分鐘需要你》之後，汪明荃突然嘟起個嘴仔靠前向阿lam索吻，豈料阿Lam毫不猶豫以吻回吻，隨即令在場觀眾高聲歡呼！期間，有心水清嘅網民更留言指汪明荃喺節目索吻已非第一次，仲反問：「係咪每個嘉賓都要錫一次，先算嚟過架？」
網民有話兒：
xxlloxxiyy：真係無得頂！就算十幾歲都未必唱得到！佩服～
x怪手指：點解阿姐咁鍾意同人錫錫，家英哥睇到會唔會呷醋架？
台x巴xxx之苦:秋官都唔係第一次rap啦，你地（哋）唔係無聽過首《香港料理》掛？
野xx賓治：要練一個月？無可能架wo（喎），明明秋哥rap開架wo（喎），rapper黎（嚟）！
鬍xx子：係咪每個嘉賓都要錫一次，先算嚟過架？
1sxx6vip：之前錫秋官，秋官隔空錫，今次終於嚟真！！！！
「東網巨星」fb專頁：
以抵死角度，分析各大娛樂新聞，加埋識睇一定要睇嘅網民妙論，包保享盡「Fun」秒，快啲入嚟畀Like啦。