陳浩民多謝老婆無私奉獻：每年一刀
20151021
東網電視
更多新聞短片
陳浩民喜獲第四胎，多謝老婆蔣麗莎無私奉獻～（資料圖片）
現年46歲的藝人陳浩民在活動中公開宣布太太蔣麗莎懷有第四胎，「娛樂圈多仔公」之名陳浩民實在當之無愧。他接受《東網》電話訪問時就表現雀躍，更語帶興奮謂今日對於他而言是特別的日子，說：「除咗套新戲開之外，老婆又有咗第四貽，而最細、十個月大嗰個女又識叫爸爸同媽媽。」
問他第四胎想生仔還是生女，他就指沒有所謂，而暫時亦未知道BB的性別，說：「係仔係女都冇所謂，健康就得。」問獲封為「多仔公」的浩民是否有獨門秘訣至可以四年四度有喜密密生，他即謂：「真係冇秘方，亦都冇食補品，應該係小朋友同我哋有緣，排住隊入嚟我哋個家庭。」而他亦特意感謝老婆無私奉獻，說：「做兄弟都係兩肋插刀，但老婆就每年都一刀。（開四刀冇問題？）前三次都係同一個刀口，所以個肚唔會花晒，到時睇吓醫生點安排。」問他如此努力「造人」是否打算十年生十個，他即笑謂：「政府都話最好生五個嘛，我就最聽話架喇。（養一個B要400萬架喎？）所以努力咁喺內地工作囉。」
蔣麗莎之後亦在微博大晒家庭樂，雖然她並沒入鏡，但就拍下仔女開心玩樂的樣子，留言：「戶外野餐時光...開心親子樂......」見大女陳雅薷（Elizabeth）同囝囝陳璟逸（Cyrus）齊齊戴着草帽與黑超，相當可愛！蔣麗莎更為仔女準備了超多的食物去野餐，真犀利！
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。