望低調戀情　岑麗香封口護圈外男友

藝人岑麗香出席品牌活動，穿上性感露背連身長裙示人，但就笑言並非真空上陣，指已經打好底，希望演譯最完美一面。問到平日打扮會否先讓男友檢查？香香笑言自己是獨立個體，不需事事問男友意見：「一陣佢會喺社交網站見到！（有冇幫對方買衫？）知道韓國好多情侶着情侶裝，呢個概念幾好。」

另外，香香表示因媽咪早前叮嚀，女仔拍拖要「低調」，所以要聽媽咪説話，加上男友並非圈中人。問到公司可有不滿把戀情公開？她說：「都冇，做好演員本份。（戀情公開多咗工作？）唔知，之前放假，返咗家鄉（加拿大）探媽咪！（有冇帶埋男友去？）低調啲！（即係有？）唔講喇！（考慮同男友情侶檔接工作？）要問公司，但想專注自己工作，加上佢又唔係圈中人。（唔想男友被其他女仔望？）大家都有眼！」而問到媽咪可有見過男友，以及對男友有甚麼評價，香香亦只是邊笑邊說想盡量「低調」些。