Bobby「強吻」萬綺雯　再揭當眾小解經歷

藝人歐陽震華（Bobby）和萬綺雯（蚊蚊）在將軍澳出席無綫劇《東坡家事》之「家有喜事」記者會。Bobby迎接「新娘」蚊蚊時，就嚇到女方將手上的生果倒瀉，十分狼狽。之後，Bobby又當眾「強吻」蚊蚊，場面搞笑。

訪問時，Bobby就指自己不怕對方老公陳十三：「佢老公個個唔信都信我啦，信我唔夠膽。」又謂自己「知書識禮」：「唔會行差踏錯！」蚊蚊聞言即反駁：「但你成隻手掩住我，好似唔畀我講嘢咁！」

Bobby承諾過33點就裸泳

問他們對收視有否信心，Bobby即笑謂：「起碼過20點啦！（贏深夜重播就得？）依家幾多算高先？（馬國明話27、8點算高。）咁依家收視唔可以作標準，我同蚊蚊拍檔都贏口碑啦。」問會否想贏《梟雄》，蚊蚊謂：「我哋點可以自己人打自己人架？」談到王浩信指收視過33點會考慮裸泳，Bobby立即叫好，更會奉陪到底：「但我落到海先除，唔會除咗先跳落去，到時再夾喺胳肋底。（夾咩話？）孖煙通囉，夾條毛？咁就即係胳肋底毛！」蚊蚊聽到就投訴男方又開黃腔：「點解你講親嘢都變成三級，最尾都出唔到街。」Bobby就話：「你老公話你同我做訪問喺隔籬笑就得架喇。」

問Bobby是否需要為裸泳操弗，他就直指自己除有大肚腩外身形尚算弗，更向記者展示「纖幼」的手臂：「我條頸都唔粗，我都係30幾吋腰咋嘛！」雖然蚊蚊表示會考慮着比堅尼，但始終對裸泳耍手擰頭：「我到時做啦啦隊。」

Bobby自爆「露械」事件

之後話題一轉，Bobby就講起他在內地的「露械」秘聞：「去荒山野嶺拍嘢，突然好急要小解，點知有架旅遊巴殺入嚟，我助手好醒目，用遮擋住我最重要嗰度，我就話唔好遮住我嗰度，遮住我個樣，嗰度豪畀佢。」問當眾「露械」是否好刺激，他謂：「咁離佢哋好遠嘅。」蚊蚊更謂：「又唔好講到老爺好似色魔咁。」

「東網巨星」fb專頁：

以抵死角度，分析各大娛樂新聞，加埋識睇一定要睇嘅網民妙論，包保享盡「Fun」秒，快啲入嚟畀Like啦。

http://www.facebook.com/onccstars