王浩信預告黃心穎倒立飲汽水

20151022
東網電視
更多新聞短片
王浩信與黃心穎相信新劇會有高收視。
藝人王浩信、黃心穎、歐陽震華和陳煒等在將軍澳出席無綫劇集《東坡家事》之「家有喜事」記者會。劇中是一對的王浩信和心穎BB就在台上玩遊戲爭食水泡餅,場面搞笑!當王浩信被要求抱起心穎BB影合照時,王浩信卻耍手擰頭。
訪問時,王浩信被問為何不抱起心穎BB,他直言對方磅數足:「佢骨重!之前有場戲講佢中毒要抱起佢,我都有做開運動,但佢嘅重量係我意想之外。」而心穎BB坦言北上拍外景時比開劇時重了不少:「好食好住!」取笑女方愈來愈像歐陽震華的王浩信卻指自己冇啖好食:「淨係聞,因為要演摔跤,所以嗰排好似啲靈界朋友咁。」
王浩信隨時露三點
問對收視可有信心?心穎BB相信劇集一定有好口碑:「拍嘅時候咁開心,觀眾睇都會好開心。」問王浩信當收視有33點時可會露三點,他即反問:「嗰三點點計先?」又指自己現正加操Body:「之前王大陸係咪裸泳?(露股!)我同Bobby(歐陽震華)斟斟,過兩日都有宣傳,再覆你哋!」而心穎BB表示要再度新招,王浩信就提議:「倒立飲汽水!」又指觀眾該會非常期待。