謝安琪仔仔K字剷上頭

近期娛樂圈真係有鋪晒相潮，講緊嘅唔單止係晒自拍照，仲要分享埋自己啲可愛囝囡相出嚟，年紀細細就畀爹哋媽咪捕捉每一個畫面，訓練到個個一於冇有怕，對住鏡頭仲好鬼精靈添！呢日一眾星爸星媽又發功喇！首先就係人稱「人妻女神」謝安琪（Kay）嘅囝囝張瞻（James），估計James應該啱啱剪完頭髮，個髮型潮之餘，亮點喺佢耳上嘅「K」字，唔使問都知係媽咪嘅傑作啦，而James都好乖咁畀個側面媽咪！影完相之後Kay仲為張相加咗唔同嘅效果，真係有心喇！仲有張喺倣效雜誌封面相，唔通想仔仔做童星？爸爸張繼聰都有留言話：「Like father like son.」一家人一齊晒恩愛，好溫馨啊！

除咗Kay之外，就連內地星都愛騷B！今日內地演員賈乃亮又騷囡囡甜馨嘅萌娃照，相中佢眼仔碌碌扮無辜，表情好cute好加分！爸爸亦都Po咗另一個男仔嘅相，仲搞笑留言話：「給甜馨兒再來一個弟弟怎麼樣？」好多網友都叫佢快啲開估！唔通又有好消息要公布？