李易峰身份證資料被公開　交律師處理

現年28歲嘅內地男星李易峰，憑與藝人陳偉霆合作嘅內地劇集《古劍奇譚》而人氣急升，不過「人紅是非多」，佢今年7月先被網友喺網上流傳佢嘅個人資料，結果相隔3個月後又再次被公開個人身份證信（訊）息，真係禍不單行！

佢嘅經理人公司就事件作出聲明，內容指出於昨日有網友擅自公開李易峰嘅個人資料，呢個行為侵犯到佢嘅私隱，所以公司決定將事件交畀律師處理！全文如下：「昨日有網友在微博擅自披露我司簽約藝人李易峰的個人身份證信（訊）息，這已經侵犯到李易峰先生的隱私權。我司昨晚已交由劉玥律師代為處理。」