藝人張智霖（Chilam）、佘詩曼、周秀娜、王宗堯、張建聲、雨僑、鄭欣宜、唐貝詩及蔡瀚億，齊集北京出席「重逢．相遇 電影《十月初五的月光》媒體發布會」。

「初哥哥」張智霖及「君好」佘詩曼大受歡迎，不過兩人均異口同聲指本來不想拍攝《十》的電影版，阿佘說：「我接呢套戲嘅時候心情好複雜，擔心冇之前喺電視劇裏面演得咁好，但係當我睇完劇本，我發覺個故事真係好感人，所以我就決定接，加上最近劇集重播，收視反應都好好，我對電影票房都有信心。（點睇女星陳喬恩加入？）佢嘅加入係非常之好！」

Chilam聞言亦說：「我本來都係想拒絕，想唔接呢套戲，始終同劇集相隔15年，我擔心個故事走唔落去，好怕劇本唔work！點知睇完劇本，又係被佢深深感動！（周旋喺兩女之間有咩感覺？）真係爽到不得了，陳喬恩係個好好嘅對手，演出好有感染力！」