古天樂舉書包操肌：細個冇錢買啞鈴

藝人古天樂到旺角出席健身中心開幕禮，雖然工作忙碌，但他仍保持每周做三日運動，他說：「做運動最緊要唔好懶，要有恆心，做運動係好孤獨，我會一路做一路開套戲出嚟睇。（搵個伴做運動？）要搵都搵個教練先！（好少出外面做gym？）我鍾意喺屋企做運動，但我斷過十字韌帶，都唔可以跑太快。（會留意體重？）我會Check住脂肪含量，屋企有部機Check。（脂肪含量係幾多？）長期都係脂肪含量低，磅數反而冇在意。」

問到古仔可會考慮爆肌示人，他說：「嗰啲要谷，我唔使咁，但如果拍戲要到就會。我細個冇錢買啞鈴，試過搵啲書包嚟舉，視乎裝幾多本書就有幾重。（啲女同學嘩嘩聲？）我喺屋企做，如果有人喺操場舉書包，佢一定係癡咗線！（投資開番間健身室？）自己開一間就冇諗過，但運動係對身體有益，另外都要注意飲食，我基本上唔食煎炸嘢，由細到大都係咁！」