攞道具返屋企 朱慧敏愛着29蚊白飯魚
20151025
東網電視
更多新聞短片
朱慧敏呢條裙非常「股惑」，雖然佢着上高踭鞋，但佢透露平時鍾意着「白飯魚」！
現時單身的朱慧敏（Queenie）出席馬場活動時，以前短後長設計的晚裝亮相，還轉圈讓記者拍照，她說：「件衫好安全，係好似泳衣咁嘅設計，內裏係肉色布但係感覺似透視，頭先嗰下轉圈我喺屋企練咗好耐，我着高踭鞋唔靈光。頭先我都要人扶，唔知以為我有咗。（有無試過着晚裝仆親？）咁又無，着古裝就試過，仆到扒咗喺地度，我嗰次嘅角色係娘娘，仆完個心已經覺得好瘀，但仲要起身話無事，要靚同保持儀態，兩泡眼淚忍喺個心度，返到屋企見到嗰兩個膝頭瘀晒，條腰又好痛。我有啲朋友可以着住高踭鞋追巴士，我着高踭鞋會腳震，平時我係着『白飯魚』嘅，29蚊對，幾fashionable呀。」
她又自爆人第一對「白飯魚」是拍《愛．回家》時的道具，她說：「拍完一幕濕水戲佢哋話唔要對鞋，對鞋新㗎，我咪拎返屋企洗乾淨再着。（你慳妹嚟？）要努力儲錢買樓。（啲衫爛咗會唔會補番？）會㗎，環保呀嘛，同埋我會食齋，平啲，食果皮粥，2蚊食成日。今日有gentleman送馬飛畀我哋，話祝我好運，如果我中咗會請大家食嘢，我慳自己唔慳人嘅。」
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。