前E-Kids成員郁禮賢宣布結婚
20151025
東網電視
更多新聞短片
郁禮賢和圈外女友結婚，齊齊踏入人生另一個階段。
現年34歲的前E-Kids成員郁禮賢（Kasa）在社交網報喜，表示已跟拍拖兩年的圈外女友Hera結婚，婚禮在佐敦一個小禮堂舉行，只請親戚朋友及陪住他成長的工作人員見證他簡單的註冊儀式，未有圈中好友出席，喜宴將於明年下半年舉行，預計擺30至40圍，屆時才廣邀圈中朋友出席。
Kasa接受《東網》電話訪問時，被問到突然結婚是否有BB？他否認：「唔係，只係我想低調啫，好多朋友都好驚喜我結咗婚啦，生BB會順其自然，今次先註冊未擺酒，係因為唔想咁急、咁辛苦，由朝到晚好忙咁，同埋我想啲親戚朋友見證我註冊，如果喺擺酒度註冊，啲人多數去咗麻雀房，唔得閒睇，況且出年再擺酒，好似結婚結成年咁嘛。」
問註冊時可有難忘事，他說：「我好緊張囉，宣誓前好似冇咗魂魄咁，啲眼淚好似要喺口度湧出嚟咁，而太太都有喊。」問婚戒有幾多卡？他說：「唔識喎，只知唔使十萬，婚戒嘅設計我都有畀意見嘅。」
他又說明年擺酒時，想請E-Kids前成員Alan（林詠倫）同Tommy（阮民安）任兄弟，他又笑言：「同Tommy都識咗咁多年，之前點都好啦，飲酒啱佢呀。」而他最想請的來賓就是「福祿壽」，他說：「叻哥（陳百祥），曾志偉、譚詠麟（校長）佢哋係我恩師，睇住我大，尤其校長，我哋E-Kids個名都係校長幫我哋改㗎。」至於求婚過程，他説：「當時佢（太太）瞓緊覺，我突然開咗燈，喺屋企地下鋪咗好多花，點好多蠟燭，仲有戒指。」
「東網巨星」fb專頁：
以抵死角度，分析各大娛樂新聞，加埋識睇一定要睇嘅網民妙論，包保享盡「Fun」秒，快啲入嚟畀Like啦。