甄澤權被讚歌喉似許志安

魔術師甄澤權（Louis）與「美心妹妹」楊鎧凝（Celine），聯同香港業餘管弦樂團齊齊表演。Celine接受訪問時即場表演了變糖果的魔術，又大唱「See me fly」一展歌喉。而Louis表示會表演唱歌，他說：「我臨尾會唱少少，唔敢太早唱，驚啲人會走，臨尾唱就係咪都要走。（係咪覺得練唱歌仲難過魔術？）都係，唱歌我會好緊張。」他身旁的香港業餘管弦樂團團長蘇潔明就指他的聲音似許志安，他即說：「唔係，許志安係我偶像嚟，我今晚會唱佢嘅《一步一生》，我自己好鍾意嘅一首歌，係配合埋個魔術邊變邊唱。（係咪第一次公開唱歌？）我上年喺自己個show度唱過少少，今次又唱多少少，但就係第一次有管弦樂團一齊，好震撼，雖然佢哋係業餘，但係我覺得好專業。（會唔會搵Celine做你助手表演魔術？）等佢大個啲先，佢都有天分，不過小朋友對手太細拎嘢難掌握，等佢對手大啲先。」