夏萍跌倒送院開玩笑：我係「最叻嗰個」
現年78歲的無綫資深藝員夏萍（Apple），昨日家中跌倒入院，今日傍晚時分《東網》記者到醫院探望她時，見她精神奕奕，稱自己已照過X光，並無大礙，亦未感痛楚。Apple更與醫院的護士有講有笑，自認是「最叻嗰個」，更表示會如期出席11月9日的活動。
林家棟建議住老人院
契仔林家棟對於契媽Apple入院之事擔心，表示Apple獨居無人照顧，曾向她提議入住老人院不果，但亦希望可請工人貼身照顧契媽才樂得安心。
跌倒十多小時無人知
Apple昨晨於家中跌倒，十多小時後無綫藝人部有人致電問候，得知她跌倒兼郁唔到，於是轉告梁健平（Apple夫徒弟），梁健平受訪時說：「我即刻打畀師母，問過情況後叫佢call白車，之後即刻趕去醫院，師母整親條尾龍骨腫咗，佢都照咗X-ray，物理治療師亦初步評估咗，依家仲瞓喺床度，我都好擔心佢。（平時身體點？）老人家不多不少有啲病痛、少少糖尿病咁，佢都唔知點仆親。」
少談子女事
梁建平並謂獨居的師母有子女，但甚少談及，他說：「知道佢好似同家人少聯絡，我平日都冇聯絡佢哋，希望佢哋睇到新聞會知（夏萍入院）啦。」
「東網巨星」fb專頁：
以抵死角度，分析各大娛樂新聞，加埋識睇一定要睇嘅網民妙論，包保享盡「Fun」秒，快啲入嚟畀Like啦。