內地巡唱突破100場　B.Gs想長做長有

女子組合B.Gs早已在內地完成一百場巡唱，她們趁着距離年底頒獎典禮還有一點時間，故決定在本月再度加開十場演唱，並將其中三場設為簽唱會場次，選址於泉州、東莞及長安，回饋當地粉絲。

成員Jovi表示今年七月開始為正式進軍香港樂壇而忙於宣傳，曾有兩個月停接內地演出，卻被其他人謠傳她們內地巡唱的氣數已盡，一度令她大感氣餒：「好彩公司幫我哋打咗支強心針，應承我哋喺宣傳期後會再加開簽唱會，仲鼓勵我哋要爭氣。」而Ceci則說：「其實我哋都估到十月會再開巡唱，只係估唔到一開就開十場，公司從來錫我哋都唔係用口講，而係做畀我哋睇，亦教咗我哋行動係最好嘅回應，所以我哋再無理其他人講咩，只係專注做好自己，同埋更珍惜粉絲們同客戶嘅支持！」

問到為何選址泉州，東莞及長安作簽唱會？Yona透露泉州是B.Gs第一次踏上演唱會台板的地方：「好記得當時我哋係特別嘉賓，同G.E.M.、泳兒同台，揀泉州係希望重拾初次踏台板嘅感覺，歸零重新，提醒自己係要不斷學習同進步。東莞係過往一年演出場次最多嘅地方，而長安就係一個承諾，因為有位粉絲住嘅長安，但行動不便，我哋答應過只要條件許可，就會去探佢！」

B.Gs新成員Onna雖然只參與二十多場巡唱，但仍感激粉絲對她同樣愛護和支持：「每次演出聽到全場歡呼聲，就覺得係上天最大嘅恩賜！仲有我哋好鍾意同粉絲傾偈，聽到佢哋對B.Gs嘅愛的宣言，幾辛苦都覺得值得。」

問到這十場巡場後目標再開多少場？B.Gs笑言一百一十場演唱太少，表示希望能做多久就多久：「只要容許我哋唱，我哋就會一直唱落去！我哋會盡一切能力去證明我哋係得嘅，仲有好高嘅存在價值！」