Bobby恨奪飛躍進步獎：攞到簽50年約
20151026
東網電視
更多新聞短片
Bobby話想攞「飛躍進步男藝員」！
藝人歐陽震華（Bobby）和萬綺雯（蚊蚊）今晚約齊一班無綫劇《東坡家事》的台前幕後到銅鑼灣一齊食飯兼睇劇集首播，Bobby太太都有出席，太太更帶同一班加拿大的朋友前來，Bobby笑言：「加拿大嘅朋友好鍾意睇電視，無我哋拍多啲嘢畀佢哋睇會好悶！」提到昨晚另一套台慶劇《張保仔》收視高收31點時，Bobby更稱希望《東》劇的收視每晚都可以保持在「大結局」的收看率，說：「收視幾點都無咩所謂，最緊要係我喺呢套劇識到好多同事，又變晒做朋友。」
問Bobby對爭視帝的信心時，他就笑言自己事隔十多年未奪獎希望可以拎「飛躍進步男藝員」，更指不打算與黎耀祥競爭視帝，說：「佢咁厚底！我點同佢爭呀？如果我可以拎到『飛躍進步男藝員』，我同TVB簽50年約！坐住輪椅都返嚟拍！」更吩附在旁的蚊蚊去競爭「飛躍進步女藝員」，得獎後要簽約70年，令原先自稱只打算做「啦啦隊」的蚊蚊都投訴說：「畀番幾年我陪老公都唔得？（你老公畀唔畀？）我每年簽約都一定要問過我老公先得！」
提到今晚缺席的王浩信，Bobby就稱他最近獲公司力捧後「忙到甩碌」，更力薦浩信爭奪視帝寶座。
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。