落選港姐Ashley大爆圈內「潛規則」
20151026
東網電視
更多新聞短片
何洛沂有「硬膠芭比」之稱！
有「硬膠芭比」之稱的落選港姐何洛沂（Ashley）穿上比堅尼接受《東網》訪問，大晒33D迫爆上圍！因參選而成為追捧對象，問到有無被公司睇中入行發展時，她直言已拒絕過一些電影邀請：「暫時就冇公司簽，但早排有大陸導演想搵我演電影嘅反派女一，但因為時間問題推咗。」敢言的她更大爆身邊朋友曾在參演電影時碰到「潛規則」，說：「會畀導演抽水囉！之前都有人搵我拍，暗示要同導演、老闆唱K、食飯，又上佢哋遊艇飲酒，仲同我講『唔好介意啲人玩得癲，盡量配合』！」
而一向熱愛夜生活的她更寸爆，出言反駁外界對「蒲妹」的「歧視」，說：「好多電影都講到Clubbing就係壞，但好多人都唔知現實中係點！其實出嚟蒲嘅女仔未必係好多人口中所講咁濫交、港女、公主癌等等，只係有少部分女仔入世未深，先會畀人灌醉！而且依家好多男仔都將自己嘅身份地位捧得太高，又話出去蒲嘅女仔拜金『釣金龜』，其實明明係自己收入太低，又要扮有錢。」
現職保險及金融工作的Ashley坦言恨轉行從演，更力sell自己的幽默感：「我本身都係一個開心果，亦唔介意要扮醜，每個角色都有佢喺套戲入面嘅意義。如果真係遇到好嘅機會，我放棄正職都冇問題。（怕唔怕行內多是非？）我唔太擔心，之前都有個朵『硬膠芭比』，Barbie係靚嘢嚟，我覺得係讚美！」
「東網巨星」fb專頁：
以抵死角度，分析各大娛樂新聞，加埋識睇一定要睇嘅網民妙論，包保享盡「Fun」秒，快啲入嚟畀Like啦。