黃浩然亮相《張》結局幾秒：準備咗6個鐘
由藝人陳展鵬、洪永城及陳凱琳（Grace）孭飛的台慶劇《張保仔》播出大結局，雖然新進小花Grace被狠批演技差，但仍無懼收視影響，更擦新該劇收視紀錄，最高點為31點，平均則29點收視，一眾演員可謂飲得杯落！
成為本年度第三高收視劇集
《張保仔》更暫成為本年度排名第三高結局篇的劇集，僅次於《武則天》最高收視37點、平均33點及《鬼同你OT》最高收視34點、平均30點，而全劇平均收視則為《武》劇26點、《鬼》劇27點及《張》劇25點。至於上周五結局篇的《無雙譜》，則最高收視為29點，平均為26點，全劇平均收視為24點。
驚喜亮相掀高潮
原定於《張》劇演海盜的黃浩然，於開拍初期因病辭演，最後由洪永城頂上，沒料於大結局末段，以Johnny Depp海盜造型驚喜亮相，結果浩然的黃金幾秒不僅成為結局篇最高收視點，更是全劇最高視的一幕。造就高收視的浩然接受《東網》訪問時，表示功勞不屬於他，大讚陳展鵬及洪永城很努力，更恭喜二人剛於新加坡獲獎。問到最後現身是否監製補償他才有此安排？浩然謂：「唔會，我哋太熟，同埋都唔係臨時搵我拍，當初監製都講過話可能搵我幫手。（為幾秒鏡頭準備幾耐？）拍之前都用咗5、6個鐘試造型，拍嗰日用兩個鐘化妝，入場即拍，一陣就完成啦。（網友話你造型塊面似有咒語？）唔係，係圖騰嚟嘅，因為想個look西方啲，唔會重複演員嘅造型。」
對白惹人遐想
此外，不少網友就《張》劇結局於網上討論，嘗試解讀浩然為何驚喜亮相。不過講到最搞笑的是，黃智雯與陳山聰射大炮拯救陳展鵬及傅嘉莉的一幕，智雯在旁讚賞山聰謂：「老公，你支洋炮好勁呀。」由於對白令人產生遐想，故引來大批網民留言求cap圖，惹笑非常！
「東網巨星」fb專頁：
以抵死角度，分析各大娛樂新聞，加埋識睇一定要睇嘅網民妙論，包保享盡「Fun」秒，快啲入嚟畀Like啦。