【女神都用神器】Angelababy自拍晒靚樣

本月初同黃曉明喺上海舉行盛大婚宴嘅Angelababy，多年來都被指整容，早前佢仲去到外科醫院做鑑證，證明自己純天然冇加工，無論點都好，喺曉明同粉絲心目中，Baby永遠都係女神。

呢日Baby喺微博大晒自己用咗高像素手機影嘅靚靚自拍，留言話：「帶我的新神器出門，我才不會告訴你們這是一台前置2100萬像素的手機！又來給自拍黨們升級裝備了！ holy high！」相中嘅Baby塊面又白又滑，直頭零暇疵，唔知有冇用到美肌功能，不過重要咩？都證明咗Baby係天生麗質喇！