陳智燊準備做爸爸　諗定點教仔

藝人陳智燊（Jason）於尖沙咀出席無綫劇《爸B有話兒》煞科宴，劇中飾演兩子之父的他表示，拍攝一周後感覺似一家人，說：「返TVB時好似喺屋企咁，要教啲小朋友叫人同有禮貌，有時同佢哋傾偈佢唔應你，你係要教佢哋，整個過程好開心。」

他又自言對細路也有點耐性，拍攝前後發現與想像不一樣，更大談「湊仔」心得：「有時要嚴肅又要話吓佢哋，淨係同佢哋玩到時會好亂，要令佢哋要聽你講嘢時就聽你講，我都識得同佢哋相處。我本身屋企有四兄弟，打交、鬧交都記得好清楚，但當照顧兩個小朋友，點相處係兩樣嘢，要唔偏心一個，嚴肅時兩個都要嚴肅，真係好似做老竇咁。」

問到是否隨時準備好做爸爸？將與宋熙年結婚的他說：「Okay，實習完，都有準備，劇中有一仔一女，各自有自己性格，男仔調皮、女仔貪靚，將來唔係話想生仔定女，但到時點教、點處理，我又唔係煩緊，但有喺呢方面諗。」