黃智雯恨拍《張》時裝版：希望角色撈亂

黃智雯於尖沙咀出席無綫劇《爸B有話兒》煞科宴，提到台慶劇《張保仔》大結局中，黃浩然現身一幕收視直衝31點，她直言好開心，一眾演員更於群組互發短訊恭喜，也有恭喜陳展鵬於新加坡封視帝，說：「最開心係攞『最佳劇集』。（慶功？）咁要睇視帝喇。（等佢請？）梗係啦，嚟緊仲有TVB、Astro，有排佢請，佢一吹雞大家就食。」

談到網友估計《張》劇埋伏線開續集，智雯表示未詢問監製，但也恨拍時裝版續集，說：「如果拍續集，我希望所有角色撈亂，因為張保仔係好歷史嘅人物，最後一幕好似古代人返咗現代，可能拍現代版，所有角色輪迴投胎，幾好玩。」

為「洋炮」笑好耐

談到劇中一幕，她與陳山聰說「老公你支洋炮好厲害」，而遭網友截圖取笑意淫，對此，智雯笑謂：「我係話佢買支洋炮好犀利，朋友都Send截圖我睇，啲人想像力好強，咁都聯想到嗰樣嘢，其實拍嘅時候大家因為呢樣嘢笑咗好耐。（怕唔怕因此成為宅男性幻想對象？）唔會啦，台詞啫。」

李思捷快閃避緋聞

此外，同場的李思捷姍姍來遲，他近日遭裸模張淨思大爆親密關係，對方直指首次見面被他摸大髀，未知是否受緋聞影響，於飯局大合照後，李思捷即急急腳欲閃人，當記者要求他做訪問時，李思捷即面無表情說：「緋聞唔答！」避而不談。