升格為老闆娘的藝人陳敏之今日於金鐘新店舉行開業一周年暨新店開幕剪綵儀式，blesscuit開業短短一年已開到第五間分店，今個月更衝出香港，於澳門開設分店，對此敏之更表示希望盡快能衝出亞洲，分享更多祝福，說：「我最想就梗係可以喺英國開一間，因為我哋啲包裝、禮盒風格等等都好啱嗰邊。」問到做咗老闆娘後會否減產，她就坦言：「唔會，只係咁啱Timing夾到，嚟緊我都會投身返去拍嘢。」

瞓覺都講緊生意

現場除咗有敏之媽媽撐場外，敏之老公亦有到場支持，惟因怕醜未有公開露面，敏之其後更笑指：「我老公都有嚟架，但佢怕醜，唔知匿埋咗喺邊。」問到身兼兩職的敏之有否被老公投訴時，她就直言：「佢好支持我，反而係估唔到我真係可以兩者都兼顧到，都覺得我叻女嘅！不過佢都覺得我大壓力，因為我依家成個腦都係餅，佢仲話瞓覺嗰陣都聽到我講舖頭啲嘢。」其後，她又揚言早前於壓力即將爆煲前去了一趟馬爾代夫放鬆一吓。而提及台慶，敏之則表示自己將會投陳展鵬一票，而視后方面她就笑言因牽涉太多好姐妹，所以揀唔落手，因而改為支持汪明荃！