JW新歌登銷售排行榜榜首

歌手JW（王灝兒）離開黎明旗下所屬公司後，轉投新公司，最近推出頭炮新歌《矛盾一生》及MV，MV上載網上不到3日已經超越二十萬點撃率，又登上人氣榜三甲位置，更在歌曲銷售排行榜榮登榜首，她激動說：「呢首歌好似我十月懷胎生嘅BB咁，因為新公司畀咗好多空間我，又有陳詠謙做我嚮導，令到呢首歌可以出到世，出到街反應又咁好，我真係好開心，心情難以形容！我真係要請老闆、陳詠謙同公司同事食飯慶祝，佢哋話事食乜都得啦！」

講到舊公司老闆黎明與經理人陳善之（Joe）拆夥，Joe轉投電影方面的工作，JW說：「中國人有句話係天下無不散之筵席，好少人會留喺一個地方可以forever，Joe以前好錫我哋，佢幫咗我哋好多好多，我都好感激佢！至於佢轉投電影方面嘅工作，我都支持佢，支持佢可以自己做一啲自己鍾意嘅工作！」