洪永城衰多口認錯　擺和頭酒氹唐詩詠

藝人洪永城（Tony）日前活動上的一句「我對佢（黃翠如）付出咗無限咁多嘅愛，好可惜佢最後揀咗Edwin（蕭正楠）。」令其與翠如多年前的緋聞再次翻熱，更有網民借題發揮寫潮文歌頌二人「戀情」，及後翠如又以「每個人心裏面都有對黃翠如同洪永城」為題甫文，令Tony、翠如、Edwin以及唐詩詠四人關係變得撲朔迷離。

默認傷害唐詩詠

而男主角Tony，今日於將軍澳電視城拍攝無綫新劇《味想天開》時首度公開回應，為自己失言認錯，他說：「我真係好多口，我亂講嘢架咋，just a joke！無諗過咁大回響。（與翠如有愛？）我同佢咁耐以嚟關係都好好，無經歷過任何情侶關係，係好好嘅旅遊拍擋，依家就蕭正楠同佢係愛情partner，我都趁呢個機會講聲唔好意思，傷害到其他人真係唔好意思。（傷害唐詩詠？）真係唔係咁好，知道係亂講嘢嘅禍，亦趁呢個機會祝福翠如同蕭正楠，佢兩個好夾、好襯。」

被翠如責備

面對意想不得的極大回響的同時，Tony亦稱被翠如責備，打算擺「和頭酒」平息風波：「希望餐飯可以補救到！（叫詩詠？）都要架喇真係。（詩詠呷醋？）無話呷醋，不過話我做乜又亂講嘢，真係要慎言！」

希望可以了結

提到翠如潮文中洪永城說：「他已經找到他的她，要鬆手先上台。」一句，問Tony是否掉低過翠如？Tony說：「我同佢咁耐以嚟都好好朋友，無話邊個掉低邊個。佢係希望唔好令到外界再對我哋有誤會，我都希望可以了結件事，佢有佢同蕭正楠，我有我同我另一半。（唐詩詠？）哈，係啦係啦。」

黃翠如：小心小命不保

黃翠如接受《東網》電話訪問時，講到洪永城認衰兼打算擺和頭酒時，翠如謂：「總之依家（我）係錫唐詩詠多過洪永城好多嘅，叫佢好好地氹番唐詩詠，如果唔係佢小命不保。」至於身在澳門拍攝《巨輪II》的蕭正楠亦大方笑謂：「擺乜嘢和頭酒呀！根本就冇事，叫佢快啲擺喜酒請我飲好過啦！」

「東網巨星」fb專頁：

以抵死角度，分析各大娛樂新聞，加埋識睇一定要睇嘅網民妙論，包保享盡「Fun」秒，快啲入嚟畀Like啦。

http://www.facebook.com/onccstars