42歲李冰冰同學聚會　網友大讚Keep得好

內地女星李冰冰一向與任泉老友鬼鬼，不時相約聚會嘅佢哋，最近就孖住出席大學同學、曾演出內地劇《陸貞傳奇》嘅曹艷艷生日派對。同一班相識22年嘅大學同學重聚，搞到冰冰都好感觸喺微博留言話：「時光可以變但是不變的是同學們的情誼，22年的同學情，還有什（甚）麼比這更值得珍惜的？我愛你上戲表九三！祝親愛的曹艷艷生日快樂！」而風騷嘅佢亦有上載呢日聚會嘅大合照，唔少網友都留言大讚42歲嘅冰冰keep得好好，仲話估唔到佢同曹艷艷等人係同一屆嘅同學，認真駐顏有術！