陳豪強調一早計劃生三個：都夠喇！
20151030
東網電視
更多新聞短片
聽陳豪口氣，即係想追女啦！
藝人陳豪（阿Mo）現身電視城拍攝劇集《完美叛侶》，記者恭喜他快將第三次做爸爸，他即說：「多謝多謝。（想追個女？）冇諗喎，冇所謂，仔又好，女又好，都一樣錫，我鍾意細路哥，多一個就多一份喜悅。（老婆陳茵媺出席活動着5吋高踭鞋，會否心痛？）OK，唔緊要，very good，佢又唔係成日着，平時都冇乜着，難得着吓，幾好，媽咪打扮吓出嚟見人，BB先好！」
有仔有女就complete
陳茵媺（Aimee）表示生完第三胎會暫時休息，想拍番嘢，阿Mo說：「坦白講，都夠喇！3個嚟講，對屋企嘅任務都差唔多，遲啲先再諗，媽咪都要唞吓。（3個小朋友要更努力搵奶粉錢？）唔好話3個，兩個都要努力！（Aimee被問第三胎係咪喺蘇梅島製造時，佢都唔係好肯定？）哈哈，我哋都唔知0架，件事好natural，係上天賜畀我哋嘅，確實係幾時真係唔知，但就一直有plan生3個嘅。（計劃咗3年生3個？）唔係，係plan生3個，有仔有女就好complete，剩係仔都冇所謂，我都係3兄弟。」
問到阿Mo兩個囝囝是否已知將做哥哥，他說：「我有同大仔講，但唔知佢知唔知，佢比較懂性，我話有BB嚟緊，佢就會摸媽咪個肚，我諗知啩。（佢想要細佬定細妹？）佢得歲零啫，未識嘅。」
「東網巨星」fb專頁：
以抵死角度，分析各大娛樂新聞，加埋識睇一定要睇嘅網民妙論，包保享盡「Fun」秒，快啲入嚟畀Like啦。