王菀之表演食太陽

藝人王菀之（Ivana）嘅搞笑形象深入民心，之前佢喺無綫劇集《老表，你好hea!》扮演嘅港女已經令人刮目相看，轉戰電影圈後又接拍喜劇《沒女神探》，佢所飾演嘅臥底更加令人拍案叫絶！鏡頭前佢好似傻大姐咁，原來私下生活都係一個好可愛嘅鄰家女孩！呢日佢就分享咗1張連環自拍上社交網站，其實有故仔嘅，第一張佢就準備食個太陽，下一張佢就谷起個嘴仔，最後一張佢就指住自己個嘴，暗示個太陽已經畀佢食咗咁！佢仲搞笑留言話：「肚餓, 食個太陽先!！天黑是這樣變成的！」唔知佢個設計師男友Eric So係咪睇中佢可愛依一點呢？