蕭敬騰狂食辣嘢　驚變孖潤腸

辛辣嘅美食夠晒刺激，令人愈食愈停唔到口，不過食得太多就可能有反效果，甚至「毀容」呀！好似台灣歌手蕭敬騰咁，呢日佢喺微博上載咗嘴仔腫到好似孖潤腸嘅搞笑相，原來佢食得太多辣嘢先搞成咁，仲好慘咁留言話：「我的嘴被辣腫了。」

而台灣歌手韋禮安都上載大擦臭豆腐嘅相，仲留言話：「我的胃：為什麼你要這樣折磨我？ 我：勇於嘗試是我的人生座右銘 我的舌頭：算啦啦啦啦辣辣辣辣！！！」佢似乎唔多食得辣又強行食喎！有網友好搞笑咁留言勸佢唔好食太多，如果唔係好似蕭敬騰咁辣到嘴都腫埋，就冇咗個靚仔樣啦！