橫店賺奶粉錢　洪天明Po相嗌掛住囝囝

藝人洪天明喺圈中出名嘅「廿四孝爸爸」，最近佢喺橫店拍戲，努力賺細仔洪竟琋（JT）嘅奶粉錢，仲不時喺網上分享自己拍戲嘅點滴，順便向老婆周家蔚交代佢嘅近況。不過，要同老婆及兩個寶貝囝囝分開一段時間，天明當然唔慣，呢日佢上載多張老婆及囝囝嘅相，相中嘅囝囝都打扮成超級英雄，睇落好得意！人在異鄉，又唔喺老婆及囝囝身邊嘅天明自然好感觸咁留言話：「I miss u all so so much. My superheroes n Wonder Woman!（好掛住你哋，我嘅超人們及神奇女俠！）」