練馬甲線有成績　江美儀飛北京見男友

藝人江美儀帶同愛犬Teddy於油塘，亮相慈善跑活動。期間美儀透露樂於化身「空中飛人」到北京與男友吳君祥相聚：「佢喺北京，我過幾日飛去搵佢。（人肉速遞？）唔好講到咁肉酸，一個月點都要見一、兩次。（空中飛人？）係，要振奮旅遊業！」

談到日常運動習慣，美儀稱努力練馬甲線：「搵咗私人教練練馬甲線，有啲成績喇！（拍劇騷畀大家睇？）我多數專注電影同舞台劇。」提到她將與麥長青及單立文演出舞台劇，美儀直言大感壓力：「排練得如火如荼。（有咩困難？）配合現場奏樂，要好準，都大壓力。」